أحبك ولا لأ

والله يا حبيبتى مانا عارفة

أحبك قوى

ولا أهجرك

ولا أسيبلك صفحة فاضية جوا قلبى يملاها الزمن

وأسيبك وسط دموعك بتغرقى

ولما يجى اللى يشدك

أرجعلك

وأبوس ترابك

وأرسم أول خط ليكى جوايا

ده منايا

أشوفك عروسة بفستان أخضر

وطرحة بيضة بوردتين

والفرح يملا عيون كل عشاقك

ويجى يوم وأشوف كل ولادك رجالة

وكل واحد فيهم يتمنالك الرضا ترضى

وانتى قادرة تضميهم فى حضن واحد

تأكليهم وتشربيهم

تبنيلهم من حنانك..بيت للأحلام

ويسافروا جوا عيونك ويرجعوا

ولو مرة سابوكى من تانى يرجعوا

يملولك كاسك عسل

وانتى برضو لسة قادرة تحضنيهم

والله صدقينى ده منايا

بس برضو لسة خايفة أحبك قوى